فينيق مصري
السيسي يطالب بتركيب عدادات كهرباء مسبوقة الدفع
القاهرة – فينيق مصري – ريحاب شعراوي – طالب الرئيس المصري عبد الفتاح السيسي، مواطنيه بتغيير عدادات الكهرباء بأخرى حديثة مسبوقة الدفع، لحل مشكلة القراءات المغلوطة؟!
وقال الرئيس المصري موجها حديثه لوزير الكهرباء محمد شاكر: “في ناس بتشتكي إنّ القراءة مش مظبوطة، فهي بقى العداد معاك وأنت اللي تشحنه ومحدش يقرالك وانت تنظم استخدامك”.
وأضاف خلال كلمته في حفل افتتاح محطة بنبان للطاقة الشمسية ومشروعات طاقة كهربائية، موجّها حديثه لوزير الكهرباء: “تبقى دي الخطة، نخلي عدادات الدولة المصرية مسبوقة الدفع، عشان نتجاوز مشكلة القراءات غير المسبوقة”.
كما وعلق السيسي، على عرض الدكتور محمد شاكر وزير الكهرباء لإنجازات القطاع خلال السنوات الماضية، مضيفا: “كانت المشكلة في 2014 إن إحنا ننتج كهرباء بس؟.. لأ .. ننتج وننقل ونخلى جودة توزيعها عالية، علشان نعمل ده اتكلف تريليون و 58 مليار جنيه بدون تكاليف مشروعات حياة كريمة ..الرقم ده لما أتحط ، كتير مننا قال هل كان مطلوب مننا ؟ هل كان فيه خيار تاني ؟ ..لأ، مشيرا إلى أن الخطة العاجلة للكهرباء تكلفت 2 مليار دولار”.
وأضاف الرئيس السيسي، خلال افتتاح محطة بنبان للطاقة الشمسية: “المحاضرة دي والتقديم بتاع الدكتور شاكر موجودة على موقع وزارة الكهرباء، وتفاصيل أكتر من كده، والبيانات دي مهم انها توصل للناس، سواء الورقي والتليفزيون والراديو نتكلم عن الموضوع ده علشان الناس تعرف الحكاية ماشية إزاي.
وتابع: “لما باتكلم مع الناس يقولوا الكهرباء غالية علينا ، صحيح ، هي غالية لكن مش عاوزين نغليها عليكم”.. أحب كل واحد ياخد حقه، أنا وفرت لك خدمة، ..حوكمة إجراءاتنا اللى احنا بنعمله نستهدف منه تحصيل ولا لأ؟ لو مش بنحصله هايبقى فيه عجز مش هتقدر الدولة تتحمله..دولة ذات شأن وننمى انفسنا وندي فرصة للقطاع الخاص والصناعة إنها تنمو وتستقر، ولو مفيش كهرباء المصانع هتقفل مصانعها والعمالة هاتبقى بره والبلد دي هتتهد”.
واشار السيسي، الى إن مشروع حياة كريمة في محافظات الصعيد يضم أكثر من 30 مركزا، متابعا: “معرفشى اللى هقوله مناسب.. هل ممكن العدادات اللى هنعملهم في مراكز حياة كريمة.. الـ 34 مركزا تكون العدادات مسبوقة الدفع.. لما اعمل خليت المواطن شايف الاستهلاك.. فيه ناس اشتكيت أن القراءة مش مضبوطة.. العداد معاك وانت اللى بتشحنه بدون قراءة.. انت تنظم استخدامك للكهرباء”.