“شذى” ردا على انتقادات قصر فستانها.. اللي جاي أطول؟!
انتقد جمهور الفنانة شذى على فيسبوك قصر فستانها اللافت الذي ظهرت به خلال حفلة أحيتها في فيينا
ونشرت رت الفنانة شذى على صفحتها الشخصية على موقع التواصل الاجتماعي «فيس بوك»، لقطات مصورة تعرض مشاهد من الحفلة تلقت على أثرها الانتقادات بسبب قِصَر فستانها الذي ظهرت به وهي تغني أعلى خشبة المسرح
وعلقت «شذى» على اللقطات المصورة قائلة: «الحمدلله تمت بنجاح، تحفة الحفل في فيينا».
وفي رفضهم للفستان، قال حساب يحمل اسم «حازم سيد»: «اللي إنتي لابساه ده مش قصير حبتين»،
وعلق حساب باسم «مشيرة راضي»: «إنتي بقيتي عاملة كده ليه، عمري ما شوفتك لابسة كده ولا بترقصي على المسرح وإنتي بتغني».
وردت شذى على التعليقات قائلة: «أولًا ده فستان طويل جدًا من ورا وقصير من قدام ودي حفلة في فيينا؟!
تاني حاجة أنا طول عمري برقص وأنا بغني أغانيّ مش بفضل واقفة ثابتة
ثالث حاجة أكيد مش زعلانة منك خالص، بس بالنسبالي أنا شايفة إن الفستان حلو، ومضايقتش منك بالعكس أنا فرحانة إنك خايفة عليّا وبتقوليلي ده، ربنا يخليكي حبيبتي وربنا يكتبلنا كلنا الخير يا رب
وختمت بالقول: خلاص عرفت والله يا جماعة إنه قصير، الحفلة اللي جايه هلبس حاجة أطول، اللي جاي أطول»؟!.